Zorionak!

Kaixo guztioi!

Zein lan politak ikusi ditugun orain arte! 

Hiru Txerrikumeen inguruko bideoak oso politak eta atseginak izan ziren, eta Edurnezuriren ingurukoak, are ederragoak! Lan bikaina egin duzuela ikusten da. 

Badakigu oraindik bideo asko ez ditugula ikusi, beraz, nahi duzuenean jarraitu bideo berriak igotzen, horrela, gero eta lan berri gehiago ikusteko aukera izango dugu.Eta ez ahaztu ipuinak zer iruditu zaizkizuen idaztea!

ZORIONAK EGINDAKO LANARENGATIK ETA SEGI HORRELA!

Ondo izan eta laster arte!

EDURNEGORRI ETA LAU ERRALDOIAK

Kaixo lagunok!

Ikusi Ikastolako B taldekoak gara. A gelakoek eta baita Ozen Eskolakoek igotako bideoak ikusi ditugu, asko gustatu zaizkigu denak, oso politak eta orijinalak direla uste dugu.

Orain arte guk ez dugu gure lanik igo, baina ez pentsa egin ez ditugunik! Lanean egon gara buru-belarri eta oso emaitza ederrak lortu ditugu.

Azken asteotan Edurnezuriren ipuina lantzen egon gara eta horri buruzko lan desberdinak sortu dira. Guk egindako ipuin guztietan, marrazkiak guk geuk sortu ditugu, eta testua ipini diegu ondoren.

Irrikitan gaude gure gelako bideo bat erakusteko, beraz, hementxe dago lehena:

Edurnegorri eta lau erraldoiak

from Mai Alen on Vimeo.

Ikusi Ikastolako B gelako tximu taldea. 

Zer iruditzen zaizue gure Edurnegorri? Berezia da ezta?
Zuei bezala, guri ere gustatuko litzaiguke istorioa gustatu zaizuen jakitea, beraz, animatu nahi duzuena idazten!

Mila esker eta gozatu gure lanarekin!
Beste bat arte!

Edurnezuri eta zazpi lagunak

Kaixo, kaixo!

Ozen eskolako B gelakoak gara. Dagoeneko ipuin batzuk bukatu ditugu eta igotzeko desiatzen geundenez, lehenengoa igotzea erabaki dugu!

Ikusi Ikastolako A gelakoek egindako lana oso polita iruditu zitzaigun eta haiek bezala egitea erabaki genuen. Guk marrazkiak egin beharrean, egindakoetatik abiatu gara gure ipuina sortzeko. Lehenengo margotu genituen, eta ondoren, testua jarri genien. 

Hementxe duzue talde urdinaren lana:

Edurnezuri eta zazpi lagunak from Mai Alen on Vimeo.

(Ozen eskolako B taldeko talde urdina)

Gustuz ikustea espero dugu, eta beti bezala, zer iruditu zaizuen kontatzera gonbidatzen zaituztegu!

Eskerrik asko!

Ondo segi eta jarraitu lanean!

Egun on guztioi!

Ozen eskolako A taldekoak gara. Oso pozik gaude bigarren ipuinaren aukeraketarekin. Asko gustatu zaigu eta ilusio handiarekin hartu dugu.

Dagoeneko Edurnezuriren ipuin desberdin dezente ditugu gelan eta Interneten ere bilatu dugu baten bat. Orain gure ipuinak sortzen gaude, laster izango dizuelarik ikusgai!

Animo lanarekin eta laster arte!

Bigarren ipuina

Hementxe gaude berriz ere!
Eta oraingoan ikasturte honetako bigarren ipuina zein den esango dugu!

Pentsatzen arituko zineten, ezta? Eta badaukazue ideiarik? Bai?

Ba hona hemen gure bigarren ipuina:

EDURNEZURI ETA ZAZPI IPOTXAK

Sorpresa izan al da? 

Bigarren ipuin hau gustatzea espero dugu, eta aurrekoan bezala, ipuina behin eta berriz ikusi, entzun eta batez ere, gozatu ondoren, zuena propioa sortzea! 

Beraz, jarri martxan berriro ere eta laster arte!

Kaixo lagunok!

Zein politak eta orijinalak diren orain arte igotako bideoak!
Ikusten da lan handia egin duzuela eta buruari ondo astindu diozuela!

Baina 3 Txerrikumeei momentuz agur esateko ordua iritsi da. Zergatik?
Laster bigarren ipuina zein den jakingo duzuelako! Zein izango ote da? Zein gustatuko litzaizueke izatea?
Hasi, hasi pentsatzen oso gutxi barru jakingo baitugu zein den!

Hori bai, 3 Txerrikumeei buruzko bideoak igotzen jarrai dezakezue. Gogoratu kurtso amaiera arte denbora dugula hori egiteko!

Ondo segi eta laster arte!!

HIRU TXERRITXOAK

Kaixo guztioi!

Ikusi ikastolako 5 urte A gelakoak gara.
Ozen eskolak igotako lehenengo bideoa ikusi dugu eta asko gustatu zaigu!

Gure gelako talde guztiek ere bukatu dituzte haien ipuinak, baina guk beste modu batean egin ditugu.
Irudiak guk marraztu beharrean, egindako marrazkiak erabili ditugu, guk margotu ditugunak.

Gaur igotzen dugun bideo hau lehoien taldeari dagokio:

HIRU TXERRITXOAK (Ikusi ikastolako A gelako lehoi taldea)

Zuen proposamenak oso orijinalak iruditu zaizkigu, beharbada hurrengorako guk ere geure irudiak egingo ditgugu!

Gure lehenengo ipuina ikustera gonbidatzen zaituztegu eta ondoren zer iruditu zaizuen idaztera!

Eskerrik asko!

Ondo izan!

HIRU OTSO TXIKIAK

Kaixo lagunok!

Atzo B gelakoek esan zuten bezala, gaur gure lehenengo bideoa igoko dugu. Jadanik talde guztiek osatu ditugu gure bideoak, baina guk ere tarteka-tarteka bat igoko dugu.

Gaur talde berdearena jartzea tokatu da. Hauxe da haiena:

HIRU OTSO TXIKIAK (Ozen eskolako A gelako talde berdea)

Talde berdeak pertsonaiak aldatu ditu,  hiru otso txiki eta txerri maltzurra dira protagonistak. Orijinala ezta?

Gustatzea espero dugu, eta ikusi ondoren, zuen iritziak idaztea gustatuko litzaiguke!

Mila esker eta gozatu!

HIRU TXERRIKUMEAK

Kaixo Lagunok!

Ozen eskolako B gelako talde guztiek osatu ditugu gure bideoak, eta oso politak geratu dira! Baina momentuz ez ditugu guztiak igoko, poliki-poliki igotzen joango gara.

Gaur talde gorriak egin duen ipuina igoko dugu. Hementxe duzue:

HIRU TXERRIKUMEAK (B gelako talde GORRIA)

Polita geratu da ezta? Zer iruditzen zaizue? Zuen iritziak jakiteko desiatzen gaude!

A! Eta uste dugu A gelakoek bihar igoko dutela lehenengo bideoa!

Ikusi eta gozatu!

Ipuinen bukaerak

Kaixo lagunok!

Ikusi ikastolako 5 urteko A gelakoak gara. Aste hauetan buru belarri egon gara Hiru Txerrikumeen ipuin desberdinak ikusten eta entzuten eta gure ipuin berriak sortzen.

Ipuinak ondo hastea bezain garrantzitsua da ondo bukatzea. Horregatik oraingo honetan ipuinak bukatzeko aukera ezberdinak ekarri dizkizuegu. Guk oso politak direla uste dugu eta horietako batzuk erabili ditugu.

Honako hauek dira: 

• Lau katu eta bost txito ipuin hau bukatu da eta kitto.
• Eta sasi guztien gainetik eta hodei guztien azpitik, zoriontsu izan ziren.
• Katu, katu ipuina bukatu.
• Zorion zoriontsu, hemen amaitzen da ipuin hau koloretsu.
• Ipuina amaitu da. Gustatu ez bazaizu ez eduki kontuan, gustatu bazaizu, aldiz, sartu ipuinen zakuan.
• Egia ala gezurra, begi bien artean sudurra.
• Hala bazan eta ez  bazan, sar dadila kalabazan eta atera dadila herriko plazan.
• Argia piztu da, klik! eta ipuina itzali da, klok!

Interesgarria ezta?

Baliogarriak izatea espero dugu. 

Ondo segi eta ea laster bideoak ikusten ditugun!

Kaixo guztioi!

IKUSI ikastolako 5 urteko B gelakoak gara. Dagoeneko martxan gaude eta Hiru Txerrikumeen ipuin pila bat ikusi eta entzun ondoren, gureak egin ditugu. Aste honetan bertan osatuko ditugu, beraz, laster ikusi ahal izango duzue lehenengo taldearen bideoa.

A!A gelakoek esan digute haiek ere aste honetan osatuko dituztela bideoak, beraz, horietako bat ere laster ikusi ahal izango dugu!

Animo lanarekin eta ekin buruari!

Kaixo lagunok!

OZEN eskolako 5 urte A gelakoak gara. Hiru Txerrikumeen ipuin desberdinak irakurtzen ari gara. Baina ez hori bakarrik, ipuinak ikusten ere ari gara!
Honako bideo hau ikusi dugu youtuben:



Oso polita da, guri asko gustatu zaigu.

Guztiok ikustera animatzen zaituztegu!

Lehenengo ipuina

Pentsatu al duzue zein izango den ikasturte honetako lehenengo ipuina? Ez al dakizue oraindik?

Ikusi, irakurri, gozatu, moldatu, aldatu eta birsortuko dugun lehenengo ipuina HIRU TXERRIKUMEAK dugu!

Gustatzen al zaizue?
Orain lanean has zaitezkete eta zuen ipuin berriak sortzen hasi!

Pilak kargatzen

Kaixo lagunok!

Prest al zaudete lanean hasteko?

Gutxi barru lehenengo ipuina zein den esango dugu. Imajinatzen al duzue zein izango den?
Dagoeneko has zaitezkete pentsatzen eta ea asmatzen duzuen!

Ondo segi eta laster arte!